þá er maður búinn að svæfa strákana en við verðum nú konulausir fram á mánudag. strákarnir eignuðust nefnilega systur á fimmtudaginn var 18okt kl. 22:40. prinsessan vóg 3790gr eða  15 merkur og 52cm var lengdin. hélt ég gæti bara eignast stráka en nú hef ég líklega lokið skylduverki mínu með því að koma báðum kynjum í heiminn og get nú tekið langþrátt frí frá stanslausum æfingum og farið að einbeita mér að einhverju öðru ha ha.

næst á dagskrá er að sækja stúlkurnar á mánudaginn og koma þeim heim, svo þarf að ákveða hvenær á að skíra en það er víst búið að ákveða nafnið og verður gaman að vita hvað það verður ?

svo er óvissuferð hjá mér 2nóv í góðra vina hópi slökkvuliðs alcan, þannig að það er margt framundan.

jæja þangað til næst hafið það sem best.

 
Kominn í mánaðarfrí og styttist í 3 erfingjan. Konan sett 11.okt og vonandi verða ekki tafir svo að fríið nýtist sem best. Ef einhver þarna úti lumar á góðu ráði til að koma henni af stað þá væri það vel þegið.                     

Nú reynir á hversu vel ég kann að meta Grundarfjörð en ég fer ekki til rvk fyrr en sennilega 2.nóv þegar ég fer í óvissuferð  með slökkvuliði Alcan þannig að ég verð hérna núna í mánuð án þess að fara burt.

jæja nú er borgarstrákurinn að nálgast það að verða grundfirðingur. flyt um næstu mánaðarmót í leiguhúsnæði á grundarfirði á meðan ég er að byggja. þannig að nú mega grundfirðingar fara að vara sig. En þar sem ég ætla vinna áfram í álverinu þá verð ég helminginn af árinu áfram í kópavogi og þá spyr maður sig verð ég þá kallaður kópavogsbúi, grundfirðingur eða kannski bara vitleysingur.

Í vinnunni eru rædd hin og þessi mál eins og í gær sagði einn vinnufélagi okkur frá því að síðasta hugsun sín áður en hann fór að sofa eftir næturvakt var sú hvort annar vinnufélagi hefði rúnkað sér fyrir svefninn... vá myndi maður vilja vita ef einhver hugsaði svona til manns. held ekki en menn eru misruglaðir.

fyrirgefið mér hvað það er langt síðan ég skriftaði síðast.

ég hef verið vondur strákur og bið ykkur um syndaaflausn.

á laugardag fór ég til grundarfjarðar með fullan bíl af bjór en kom til baka í gær með allan bjórinn til baka(skemmdur gaur). svo þegar ég kom heim í gær fór ég beint á aukavakt og fer aftur í kvöld. eins gott að vaktin frétti þetta ekki með bjórinn þá fæ ég engan frið.

hvað ætli ég þurfi að fara með margar maríubænir til þess að fá fyrirgefningu þessara alvarlegu syndar eða væri flenging betur við hæfi. hvað finnst ykkur?

nú er farið að styttast í kosningarnar í hafnarfirði um stækkun álversins í straumsvík og spennan magnast. ætla hafnfirðingar virkilega að hafna þessari búbót og fá frekar einhvern annan iðnað á svæðið sem bæði skilar mun minna til bæjar-félagssins og mun færri störfum. umhverfisinnar takið nú höfuðið upp úr sandinum og sýnið smá skynsemi. reynið frekar að aðstoða alcan og hafnarfjörð við leiðir til að finna bestu mengunarvarninar en ekki hafna öllu eins og bölvaðir kommúnistar. ég meina fiskveiðiflotinn mengar meira en álverin, ætlið þið að sökkva þeim? svifryksmengun, ætlið þið að taka af okkur bílana? metangaz frá beljum, ætlið þið að útrýma öllum beljum? nei þið ræðið ekki þessi mál vegna þess að þau eru ekki í tísku eins og að mótmæla álverum og skila sjálfsagt ekki eins mörgum atkvæðum í kassann.

jæja þá er maður byrjaður að blogga, hver hefði trúað því?

fór í mína fyrstu jeppa-ferð á sunnudaginn en var ekki mjög heppinn með veður. blindbylur og útsýnið sama og ekkert.

en djöfull var það hressandi að komast aðeins út úr bænum í hreinna loft.

skrítið að vera í frí allt vaktarfríið manni finnst eins og maður sé búin að vera í frí í margar vikur.

hafið þið pælt í því hvort fólkið í kringum ykkur líkist öðrum dýrum

í náttúrunni. t.d. finnst mér ég líkjast híenu en aðrir hafa bent mér á að ég líkist heilalausum krossfiski en svona er sýn manna mismunandi. á vaktinni minni höfum við fjölbreytt úrval dýra eins sæfifl og blöðrusel en gaman væri að heyra skoðanir fólks á því hverjum þeim finnst þeir líkjast.